EDWARD Lowassa Afunguka: Niacheni Kwanza Jamani...

Ikiwa ni miezi minane tangu Waziri Mkuu wa zamani, Edward Lowassa, kuhamia CCM na kutua Chadema, jana alitoa sadaka yake ya kumshukuru Mungu kwa mambo mengi aliyomtendea na anayoendelea kumtendea. 

Hata hivyo, wakati Watanzania wengi wakisubiri kauli ya Lowassa aliyegombea urais 2015, kwa tiketi cha Chadema chini ya mwavuli wa Ukawa, kuhusu uchaguzi wa Zanzibar, akiwa katika Kanisa Kuu la Kilutheri la Azania Front jijini Dar es Salaam jana alisema: "Niacheni kwanza".

Lowassa ambaye alishiriki ibada hiyo maalum  ya kutoa sadaka ya shukrani yake na familia, alipoulizwa juu ya maoni yake kuhusiana na uchaguzi huo, alisema “Tungeje kidogo kitakachoendelea huko. Niache kwanza nitaongea.”

Aidha, aliwapongeza viongozi wa dini kwa kuhuribi amani nchini na kwamba ndiyo tunu pekee inayotakiwa kulindwa kwa kiasi kikubwa.

“Nawatakia sherehe njema wabarikiwe katika sherehe hii ya Pasaka, tuendelee kuhubiri amani ndiyo tuzo pekee tuliyonayo. 

Nawashukuru viongozi wa dini kufanya wajibu wao, ni wajibu wetu nasi kufanya wajibu wetu kwa hayo tuliyohubiriwa,” alisema.

Juzi wakati wa ibada ya Pasaka katika kanisa hilo, kulikuwa na tetesi za Lowassa kuwapo na wangekutana uso kwa uso kwa mara ya kwanza na Rais Dk. John Magufuli, ambaye alisali kanisani hapo kwa kushtukiza.

Katika ibada hiyo iliyoongozwa na Askofu wa Dayosisi ya Mashariki na Pwani, Dk. Alex Malasusa, aliwatangazia waumini kuwa Lowassa na familia yake watatoa sadaka maalum ya shukrani kwa Mungu kutokana na mambo mbalimbali aliyowatendea na anayoendelea kuwatendea.

Kama Lowassa angeshiriki ibada ya juzi, ingekuwa ni mara ya kwanza kwa wawili hao ambao walikuwa wagombea wanaochuana kwa karibu zaidi katika Uchaguzi Mkuu wa mwaka jana kukutana na kukaa katika eneo moja.

Katika uchaguzi huo Okotoba 25, mwaka jana, Dk. Magufuli aliibuka mshindi kwa zaidi ya kura milioni nane dhidi ya Lowassa aliyepata kura zaidi ya milioni sita.

Hata hivyo, Lowasaa amekuwa akipinga matokeo hayo akidai kuwa alishinda uchaguzi huo kwa zaidi ya asilimia 64.

Duru za kisiasa zinaeleza kuwa Lowassa angeweza kugusia hali ya kisiasa Zanzibar na hasa uchaguzi wa marudio uliofanyika bila wapinzani wakuu wa CCM, ambao ni CUF sambamba na utendaji kazi wa Serikali ya Magufuli, lakini alikwepa.

Pia Lowassa ni msharika wa Azania Front, lakini katika ibada iliyohudhuriwa na Rais hakuwapo.

Akitoa salamu za Pasaka, Rais aliwaomba Watanzania kumuombea kwa kuwa kazi ya uongozi aliyonayo siyo ndogo na kuacha kubaguana kwa vyama, dini na makabila ikiwa ni pamoja na kufanya kazi kwa bidii kuiwezesha Tanzania kupiga hatua kubwa kimaendeleo.

Katika ibada ya jana, Lowassa aliambatana na familia yake, watoto na wakwe zake akiwamo Sioi Sumari, huku viongozi wa Ukawa wakiwakilishwa na James Mbatia, ambaye pia ni Mbunge wa Vunjo na Mwenyekiti wa NCCR-Magaeuzi.

Wengine waliohudhuria ni Meya wa Jiji la Dar es Salaam, Isaya Mwita, Meya wa Ilala, Charles Kuyeko na Meya wa Kinondoni, Jacob Boniface, aliyewahi kuwa Waziri wa Mambo ya Ndani, Lawrance Masha na Katibu Mkuu wa Chadema, Dk. Vincent Mashinji.

Watu maarufu waliohudhuria ibada hiyo ni pamoja na Mkuu wa Mkoa wa Shinyanga, Anne Malecela, Balozi Emmanuel Ole Naiko na Askofu wa Dayosisi ya Morogoro, Jacob Ole Mameo.

Katika ibada hiyo, ilitarajiwa kuwa Lowassa angezungumza, lakini Askofu Malasusa alimkaribisha Askofu Mameo kuzungumza kwa niaba ya wageni wote ambaye alimpongeza kiongozi huyo kwa kuwa mtoaji.

“Nimekuja kumsindikiza kaka yangu Lowassa kutoa sadaka yake ya shukurani ya pekee maana ni jambo la busara na hekima kumtolea Mungu, nilimkaribisha wakati natoa shukrani yangu ya pekee Ubungo kanisani, nakumbuka maneno aliyoniambia,” alisema na kuongeza:

“Baba Askofu Mameo umekuwa mfano wa viongozi wa juu wa Kanisa wanaokumbuka kutoa shukrani kanisani maana Wakristo raia tumezoea kutoa na ninyi (viongozi wa kanisa) hamtoi, nami nasema ni bahati ya pekee kuwa na watu wacha Mungu wanaokumbuka kumrudishia Mungu shukrani zao kwa mambo aliyowatendea.Tunapoona watu wa aina hiyo, ni lazima tuwaunge mkono na Mungu ndivyo anavyotaka, tunafanyiwa mambo mengi sana na Mungu.”

“Namshukuru sana kaka yangu Lowassa anamtolea Mungu mara kwa mara na anatendewa mambo mengi na Mungu na ndiyo maana hadi sasa yupo na Mungu, anapenda watu wanaotoa shukrani. Katika vitabu vya Ijinili, Yesu aliwaponya watu 10, mmoja ndiye alirudi kushukuru, sote tuna sababu ya kumshukuru Mungu kwani tunatendewa mengi sana,” alisisitiza.

“Lowassa tutaendelea kukuunga mkono, umetendewa mambo mengi sana, kutoa  siyo jambo la kuiga ni la moyoni na kama siyo la kuiga utaendelea kulitenda kila mara siyo kwa kuambiwa,” alisisitiza.

SAFARI YA LOWASSA MILIMA NA MABONDE 

Machi 20, mwaka 2014, CCM ilitangaza kuwafungia kwa miezi 17 makada wake sita waliodaiwa kuanza kampeni za urais kabla ya muda ulioruhusiwa na chama na walifunguliwa Mei 22, mwaka jana.

Chama hicho kilisema kitafanya tathmini kama walikiuka kanuni za adhabu hiyo na iwapo ingebainika wangechukuliwa hatua zaidi.

Baada ya kufunguliwa na kabla ya kuchukua fomu ya kuomba ridhaa ya chama chake (wakati huo) kupeperusha bendera ya chama hicho, makundi mbalimbali yalikwenda nyumbani kwake mjini Dodoma kumshawishi kuchukua fomu ya urais na ilipoelezwa kuwa makundi hayo yaliandaliwa naye, alisema hawezi kuzuia mafuriko kwa mikono.

Lowassa alikutana na wahariri na waandishi wa vyombo mbalimbali nchini Mei 27, mwaka jana na kutoa ufafanuzi wa masuala mbalimbali ikiwamo kueleza safari ya matumani.

Lowassa akiwa ameambatana na makada mbalimbali wa chama hicho katika Uwanja wa Shekhe Amri Abeid jijini Arusha Mei 30, mwaka jana na kutangaza kuanza safari ya matumaini ambayo itatimiza ndoto za Watanzania kupata elimu bure, majisafi na salama na maendeleo kwa ujumla, kisha kutangaza rasmi nia ya kuwania urais kwa tiketi ya CCM wakati huo.

Mafuriko ya Lowassa yaliteka jiji hilo na kuvunja rekodi ya mikutano iliyowahi kufanyika nchini huku kukiwa na viongozi maarufu kama kada wa zamani Kingunge Ngombale-Mwiru, wenyeviti wa CCM wa mikoa mbalimbali na waliowahi kuwa mawaziri na watumishi serikalini.

Lowassa alichukua fomu katika makao makuu ya CCM mjini Dodoma Juni 4, mwaka jana na kutembeza kuomba wadhamini kwenye mikoa yote nchini huku kukiwa na mafuriko ya watu na alirejesha Julai mosi, mwaka jana.

Hata hivyo, safari ya matumaini ya kiongozi huyo kwa CCM iliishia Julai 10, mwaka jana, baada ya kikao cha Kamati Kuu (CC) kukata jina lake na kupitisha jina la Dk. Magufuli, jambo lililozua taharuki na maandamano ya wafuasi wake katika mji wa Dodoma na viunga vyake kiasi cha polisi kuingilia kati kuwatawanya.

Julai 27, mwaka jana, Lowassa alijiunga rasmi Chadema na kukabidhiwa kadi ya uanachama wakati wa kikao cha Kamati Kuu ya chama hicho na baadaye alitangaza kupeperusha bendera ya Ukawa katika uchaguzi huo.

Baada ya kuhama, makada wengine akiwamo Waziri Mkuu mstaafu, Frederick Sumaye, walimfuata na alichukua fomu ya kuomba ridhaa ya Chadema kuwania nafasi hiyo.

Agosti 10, mwaka jana, Lowassa alichukua fomu ya kuwania urais katika Ofisi za Tume ya Taifa ya Uchaguzi (Nec).

Nec ilipuliza kipenga cha kampeni Agosti 22, mwaka jana, Lowassa alifanya kampeni kwa gari na helkopta katika maeneo mbalimbali nchini, huku kukiwa na vita kali ikiwamo ya kueleza udhaifu wa afya yake na kutuhumiwa kwenye majukwaa ya kisiasa ya wapinzani wake wa karibu.

Oktoba 29, mwaka jana, Nec ilimtangaza Dk. Magufuli mshindi wa nafasi ya urais kwa kura 8,882,935 sawa na asilimia 58.46 dhidi ya Lowassa aliyepata kura 6,072,848 sawa na asilimia 39.97.

Baada ya matokeo hayo, Lowassa alikuwa kimya na licha ya kushawishiwa na makundi ya vijana kutoa tamko kali, hakufanya hivyo na kuwataka kuwa watulivu.

Kutokana na hali hiyo, Desemba 19, mwaka jana, Lowassa alitunukiwa tuzo ya amani na taasisi za kidini 1,200.

Ajali za Mabasi zaendelea Kutumaliza...Hii Hapa Ajali Nyingine Iliyochukua Uhai wa Watu

Watu sita wamekufa na wengine zaidi ya 38 kujeruhiwa na kulazwa Hospitali ya Rufani Mkoa wa Iringa baada ya basi walilokuwa wakisafiria kutoka Mwanza kwenda Iringa kupinduka mlima Ipogolo Manispaa ya Iringa.


Mganga Mkuu Mkoa wa Iringa, Dk Robert Salim alisema waliokufa ni sita, wawili kati yao walifia hospitalini wakati wakipatiwa matibabu.


Dk Salim alisema waliokufa ni wanaume wanne na wanawake wawili na kwamba, maiti waliotambuliwa ni wawili, Makka Msigwa na Venant Mhagama.


Kamanda wa Polisi Mkoa wa Iringa, Peter Kakamba alisema ajali hiyo ilitokea juzi saa 3.30 usiku baada ya basi la Lupondije aina ya Scania lililokuwa likitoka Mwanza kwenda Iringa kumshinda dereva na kupinduka.


Alisema majeruhi 38 walifikishwa hospitalini hapo, 11 walitibiwa na kuruhusiwa na wengine 27 wamelazwa kwa matibabu.


Kakamba alisema wanaendelea na uchunguzi kubaini chanzo cha ajali hiyo.


Mmoja wa abiria walionusurika katika ajali hiyo, James John alisema walipofika Iringa, dereva waalikataa kuwashusha abiria waliokuwa wakiishia mjini ili awapeleke waliokuwa wakienda Mbeya kwenye basi jingine eneo la Ipogolo.


John alisema kutokana na uamuzi huo abiria waliotakiwa kushuka Kituo cha Kihesa na Kituo Kikuu cha Mabasi Iringa walipitiliza, lakini hawakufika Ipogolo wakapata ajali eneo la mlimani.


Dereva huyo, Castory Mwalusako (35) alisema basi hilo lilimshinda wakati akishuka mlima kutokana na kupoteza upepo kwenye breki na kulikwepa gari dogo lililokuwa mbele yake na kupoteza mwelekeo kisha kupinduka. 

20 Watiwa Mbaroni Wakituhumiwa Kumpiga Mawe Ofisa wa JWTZ Aliyemgonga Mtembea Kwa Miguu

Polisi mkoani Ruvuma inawashikilia waendesha bodaboda 20 Manispaa ya Songea wanaodaiwa kumshambulia askari wa Jeshi la Wananchi Tanzania (JWTZ) Kikosi cha 411 KJ Ruhuwiko, kwa kupiga mawe gari alilokuwa akiendesha baada ya kumgonga mtembea kwa miguu.

Kamanda wa Polisi Mkoa wa Ruvuma, Zubeir Mwombeji alisema tukio hilo lilitokea Machi 24 saa 3.00 usiku maeneo ya Shule ya Msingi Mfaranyaki, karibu na Kituo Kikuu cha Polisi Songea Mjini.

Mwombeji alimtaja mwanajeshi huyo aliyejeruhiwa kwa kushambuliwa na waendesha bodaboda kuwa ni Luten Samweli Nginila (32), ambaye amelazwa Hospitali ya Rufani Mkoa.

Alisema Luteni Nginila alijeruhiwa sehemu mbalimbali za mwili na kupoteza fahamu baada ya kushambuliwa na waendesha bodaboda, ambao walivunja kwa mawe vioo vya gari alilokuwa akiendesha.

Aliendelea kuwa chanzo cha tukio hilo, inadaiwa kutokea ajali maeneo ya majengo ambako askari huyo alikuwa akiendesha gari aina ya Nissan XTRAIL akitokea Bar ya Ramour .

Alisema alipofika eneo la majengo, Bahati Mbero alikatisha ghafla barabarani hivyo askari huyo kushindwa kumudu gari na kusababisha ajali.

Kufuatia hali hiyo, waendesha bodaboda waliokuwa karibu walikusanyika kwa lengo la kumshambulia, hali iliyomlazimu kuwasha gari kukimbia ili kuokoa maisha.

Hata hivyo, bodaboda hao walimkimbiza na alipofika Shule ya Msingi Mfaranyaki tairi la gari lake lilichomoka, hivyo walimzingira na kumshushia kipigo wakiwamo abiria watatu aliokuwa nao.

Mwombeji aliwataja waliokuwamo ndani ya gari hilo kuwa ni Kaumbya Kateka (24) mkazi wa Majengo, Joyce Edson (24) mkazi wa Mpambalyoto na Jackline Mwita (22) mwanafunzi wa Chuo cha Uuguzi Peramiho. Alisema katika vurugu hizo baadhi ya vitu vilipotea ambavyo ni mali ya askari huyo.

Vitu vilivyopotea ni simu mbili za mkononi, pochi ambayo ilikuwa imehifadhi vitambulisho mbalimbali na Sh120,00.

Alisema wanaendelea kuwabaini wengine waliohusika, taratibu za kuwafikisha mahakamani zitafuata.

Polisi mkoani Ruvuma inawashikilia waendesha bodaboda 20 Manispaa ya Songea wanaodaiwa kumshambulia askari wa Jeshi la Wananchi Tanzania (JWTZ) Kikosi cha 411 KJ Ruhuwiko, kwa kupiga mawe gari alilokuwa akiendesha baada ya kumgonga mtembea kwa miguu.

Kamanda wa Polisi Mkoa wa Ruvuma, Zubeir Mwombeji alisema tukio hilo lilitokea Machi 24 saa 3.00 usiku maeneo ya Shule ya Msingi Mfaranyaki, karibu na Kituo Kikuu cha Polisi Songea Mjini.

Mwombeji alimtaja mwanajeshi huyo aliyejeruhiwa kwa kushambuliwa na waendesha bodaboda kuwa ni Luten Samweli Nginila (32), ambaye amelazwa Hospitali ya Rufani Mkoa.

Alisema Luteni Nginila alijeruhiwa sehemu mbalimbali za mwili na kupoteza fahamu baada ya kushambuliwa na waendesha bodaboda, ambao walivunja kwa mawe vioo vya gari alilokuwa akiendesha.

Aliendelea kuwa chanzo cha tukio hilo, inadaiwa kutokea ajali maeneo ya majengo ambako askari huyo alikuwa akiendesha gari aina ya Nissan XTRAIL akitokea Bar ya Ramour .

Alisema alipofika eneo la majengo, Bahati Mbero alikatisha ghafla barabarani hivyo askari huyo kushindwa kumudu gari na kusababisha ajali.

Kufuatia hali hiyo, waendesha bodaboda waliokuwa karibu walikusanyika kwa lengo la kumshambulia, hali iliyomlazimu kuwasha gari kukimbia ili kuokoa maisha.

Hata hivyo, bodaboda hao walimkimbiza na alipofika Shule ya Msingi Mfaranyaki tairi la gari lake lilichomoka, hivyo walimzingira na kumshushia kipigo wakiwamo abiria watatu aliokuwa nao.

Mwombeji aliwataja waliokuwamo ndani ya gari hilo kuwa ni Kaumbya Kateka (24) mkazi wa Majengo, Joyce Edson (24) mkazi wa Mpambalyoto na Jackline Mwita (22) mwanafunzi wa Chuo cha Uuguzi Peramiho. Alisema katika vurugu hizo baadhi ya vitu vilipotea ambavyo ni mali ya askari huyo.

Vitu vilivyopotea ni simu mbili za mkononi, pochi ambayo ilikuwa imehifadhi vitambulisho mbalimbali na Sh120,00.

Alisema wanaendelea kuwabaini wengine waliohusika, taratibu za kuwafikisha mahakamani zitafuata.

20 Watiwa Mbaroni Wakituhumiwa Kumpiga Mawe Ofisa wa JWTZ Aliyemgonga Mtembea Kwa Miguu

Polisi mkoani Ruvuma inawashikilia waendesha bodaboda 20 Manispaa ya Songea wanaodaiwa kumshambulia askari wa Jeshi la Wananchi Tanzania (JWTZ) Kikosi cha 411 KJ Ruhuwiko, kwa kupiga mawe gari alilokuwa akiendesha baada ya kumgonga mtembea kwa miguu.

Kamanda wa Polisi Mkoa wa Ruvuma, Zubeir Mwombeji alisema tukio hilo lilitokea Machi 24 saa 3.00 usiku maeneo ya Shule ya Msingi Mfaranyaki, karibu na Kituo Kikuu cha Polisi Songea Mjini.

Mwombeji alimtaja mwanajeshi huyo aliyejeruhiwa kwa kushambuliwa na waendesha bodaboda kuwa ni Luten Samweli Nginila (32), ambaye amelazwa Hospitali ya Rufani Mkoa.

Alisema Luteni Nginila alijeruhiwa sehemu mbalimbali za mwili na kupoteza fahamu baada ya kushambuliwa na waendesha bodaboda, ambao walivunja kwa mawe vioo vya gari alilokuwa akiendesha.

Aliendelea kuwa chanzo cha tukio hilo, inadaiwa kutokea ajali maeneo ya majengo ambako askari huyo alikuwa akiendesha gari aina ya Nissan XTRAIL akitokea Bar ya Ramour .

Alisema alipofika eneo la majengo, Bahati Mbero alikatisha ghafla barabarani hivyo askari huyo kushindwa kumudu gari na kusababisha ajali.

Kufuatia hali hiyo, waendesha bodaboda waliokuwa karibu walikusanyika kwa lengo la kumshambulia, hali iliyomlazimu kuwasha gari kukimbia ili kuokoa maisha.

Hata hivyo, bodaboda hao walimkimbiza na alipofika Shule ya Msingi Mfaranyaki tairi la gari lake lilichomoka, hivyo walimzingira na kumshushia kipigo wakiwamo abiria watatu aliokuwa nao.

Mwombeji aliwataja waliokuwamo ndani ya gari hilo kuwa ni Kaumbya Kateka (24) mkazi wa Majengo, Joyce Edson (24) mkazi wa Mpambalyoto na Jackline Mwita (22) mwanafunzi wa Chuo cha Uuguzi Peramiho. Alisema katika vurugu hizo baadhi ya vitu vilipotea ambavyo ni mali ya askari huyo.

Vitu vilivyopotea ni simu mbili za mkononi, pochi ambayo ilikuwa imehifadhi vitambulisho mbalimbali na Sh120,00.

Alisema wanaendelea kuwabaini wengine waliohusika, taratibu za kuwafikisha mahakamani zitafuata.

Ofisa Elimu Dar es Salaam Amchokoza Wazi wazi Rais Magufuli Sera ya Elimu Bure

Katika kile kinachoonekana kuwa ni kumchokoza waziwazi Rais John Magufuli, Ofisa wa Elimu wa Manispaa ya Kinondoni ametoa agizo la kuwataka wakuu wote wa shule za sekondari kwenye manispaa yake kukata Sh. 1,500 kwa kila mwanafunzi kutoka katika fedha wanazopokea kwa ajili ya uendeshaji wa shule zao na kisha kuzipeleka kwenye manispaa hiyo.

Katika barua ya Februari 4, 2016 iliyosambazwa kwenda kwa walimu wakuu wa shule za sekondari za Kinondoni na Ofisa wa Elimu wa Manispaa hiyo aitwaye Rogers Shemwelekwa, inaelezwa kuwa fedha hizo zinapaswa kutolewa na kila mkuu wa shule ili kugharimia michuano ya sekondari, inayoandaliwa chini ya mwavuli wa Umoja wa Michezo kwa Shule za Sekondari Tanzania (UMISSETA). Amri iliwataka wakuu wote wa shule za sekondari Kinondoni zikiwamo pia zinazomilikiwa na taasisi binafsi kuwasilisha michango hiyo ifikapo Februari 28 kupitia akaunti namba 0150259059100, katika benki ya CRDB  kwa jina la KMC Miscellaneous deposit Account na stakabadhi zote zipelekwe kwa Ofisa Elimu wa Sekondari. Michezo hiyo ya UMESSETA inatarajiwa kuanza Mei.

Uchunguzi wa Nipashe umebaini kuwa agizo hilo linakwenda kinyume cha waraka wa serikali kuhusu matumizi ya fedha za ruzuku zinazotolewa kila mwezi kwa ajili ya kufanikisha utoaji wa elimu bure iliyoahidiwa na Rais Magufuli wakati wa kampeni za kuelekea Uchaguzi Mkuu wa Oktoba 25, 2015. 

Kwa mujibu wa waraka wa kufanikisha elimu bure, fedha zilizoguswa kupitia agizo la Ofisa Elimu wa Kinondoni zipo katika fungu la pili ambalo lililotengewa asilimia 30 ya fedha zote za ruzuku kwa lengo la kuziwezesha shule siyo kugharimia michezo peke yake bali pia ukaguzi na vifaa vya kujifunzia.

Tangu Januari mwaka huu, serikali ya awamu ya tano chini ya Rais Magufuli imekuwa ikisambaza fedha za kufanikisha utoaji wa elimu bure kwa kila shule kuanzia msingi hadi kidato cha nne, lengo likiwa ni kuwaondolea wananachi kero ya kukabiliana na rundo la michango kwa visingizio mbalimbali vikiwamo vya michezo, madawati, ulinzi, uji, nembo ya shule, majengo karatasi, maandalizi ya mitihani, umeme, maji na masomo ya ziada marudu kama ‘tuition’. Katika mgawo wa kwanza uliotolewa Januari, serikali iligawa Sh. bilioni 18.77 kwa ajili ya kugharimia elimu bure nchini kote huku Rais Magufuli akionya kuwa ole wake atakayekiuka maelekezo na kubadilisha matumizi ya fedha hizo.

Wakizungumza na Nipashe mwishoni mwa wiki, baadhi ya walimu wakuu wa shule za sekondari katika manispaa ya Kinondoni wamelalamikia hatua hiyo ya kutakiwa walipe Sh. 1,500 kwa kila mwanafunzi kwa madai kuwa kufanya hivyo ni kwenda kinyume cha agizo la Rais kuhusiana na utoaji wa elimu bure.

Walimu hao, kwa nyakati tofauti walisema kuwa wao hupokea fedha moja kwa moja kutoka Hazina zikiwa zimewekewa maelekezo, lakini wanashangaa kuona Shemwelekwa anawapa maagizo yanayokiuka maelekezo ya Hazina kwa kuwaagiza kwamba wakishazipata, wahakikishe wanazipeleka Manispaa  kwa ajili ya kugharimia michezo, tena kwa kiwango mahsusi cha Sh. 1,500 kwa kila mwanafunzi.

Baadhi ya walimu wakuu walisema ingawa idadi ya wanafunzi kwa kila shule ndiyo kigezo cha kupokea mgawo mkubwa au kidogo, lakini kwa wastani, asilimia 30 ya ruzuku wanayopewa na serikali na ambayo hujumuisha pia shughuli za michezo na ununuaji wa vifaa vya kujifunzia huwa haifiki Sh. 600,000 kwa mwezi.

Mmoja wa walimu alitolea mfano wa shule yenye wanafunzi 1,000, akisema kwamba endapo wakitii agizo la Ofisa Elimu Shemwelekwa, maana yake shule ya aina hiyo inapaswa kulipa Sh. milioni 1.5 kwa ajili ya michezo na kiasi chote kinapaswa kulipwa kwa wakati mmoja.

Mwalimu mwingine aliiambia Nipashe kuwa kwa ujumla, shule moja hupata wastani wa Sh. 1,700,000 kila mwezi kugharimia elimu bure na hivyo, ikiwa fedha hizo zitatolewa kwa wakati mmoja, maana yake uendeshaji wa shule zao utasimama kwa mwezi mmoja kwa sababu kiasi cha fedha kitakachobaki kitakuwa ni kidogo na kamwe hakiwezi kufanikisha utoaji wa elimu pasi na kuhitaji michango kutoka kwa wazazi.

OFISA ELIMU AKIRI, ARUSHA MPIRA

Akizungumza na Nipashe kuhusu barua anayodaiwa kuiandika kwenda kwa walimu wakuu wa manispaa yake kuhusiana na makato ya Sh. 1,500 kwa kila mwanafunzi, Shemwelekwa alianza kwa kukiri kuandika barua hiyo,  lakini akakataa kutoa maelezo zaidi kwa madai kwamba anayepaswa kuulizwa ni mkurugenzi wa manispaa yake.

"Siwezi kuzungumza na wewe. Ukitaka maelezo zaidi nenda kamuulize Mkurugenzi wa Manispaa,'' alisema Shemwelekwa.

Hata hivyo, alipoulizwa, Mkurugenzi wa manispaa hiyo anayetajwa kwa jina la Kagurumjuli Titus, alisema (yeye) hana taarifa ya kuandikwa kwa barua hiyo ambayo Nipashe inayo nakala yake.

Aidha, Mkurugenzi huyo alisema kama walimu wakuu hawakuridhika na barua iliyowataka kukata fedha hizo kwa kila mwanafunzi, wangepaswa kufika kwake ili awaweke meza moja na ofisa huyo wa elimu (Shemwelekwa) na kufikia muafaka badala ya kukimbilia kwenye chombo cha habari. 

Licha ya mkurugenzi kudai kuwa haijui barua hiyo, nakala mojawapo ambayo Nipashe inayo inaonyesha kuwa miongoni mwa waliotumiwa nakala kwa tarifa ni pamoja na yeye (Mkurugenzi wa Manispaa ya Kinondoni) na pia Ofisa Elimu Mkoa wa Dar es Salaam.

Chama cha Wananchi (CUF) Kutoa Tamko Zito Kuhusu Hatima yake Kisiasa Zanzibar...Maalim Seif Apunguziwa Ulinzi

Chama cha Wananchi (CUF), kimesema kinajiandaa kutoa tamko zito kuhusu hatima yake kisiasa visiwani Zanzibar.

Kufuatia hatua ya Mwenyekiti wa Tume ya Uchaguzi ya Zaniabar (ZEC), Jecha Salum Jecha kufuta Uchaguzi Mkuu wa Oktoba 25, mwaka jana, ambao chama hicho kinaamini kuwa kilishinda, CUF iligomea uchaguzi wa marudio wa Jumapili iliyopita.

Tangu hapo, Rais Dk. Ali Mohammed Shein alishaapishwa Alhamisi iliyopita kuongoza visiwa hivyo mpaka mwaka 2020.

CUF inaamini matokeo ya uchaguzi wa mwaka jana yangeonyesha kuwa mgombea wao, Maalim Seif Hamad, ameshinda kwa kishindo.

Aidha, Chama hicho kimesema hakitababaishwa na hatua ya serikali kumwondolea walinzi Maalim Seif  kwasababu chama hicho kina walinzi wa kutosha kufanya kazi hiyo .

Akizungumza na Nipashe jana, Naibu Katibu Mkuu wa chama hicho Bara, Magdalane Sakaya, alisema CUF inafanya maandalizi ya vikao vya ngazi za juu ambavyo ndivyo vitakavyotoa maamuzi kuhusu mustakabali wa kisiasa visiwani humo, baada ya uchaguzi wa marudio.

Sakaya ambaye ni Mbunge wa Jimbo la Kaliua mkoani Tabora kwa tiketi ya CUF, alisema ingawa shughuli za chama zinaendelea kama kawaida, vikao hivyo ambavyo ni Kamati Tendaji na Baraza Kuu vitakaa ndani ya muda mfupi ujao na vitajadili na kutoa msimamo wa chama kuhusu hatma ya Zanzibar.

“Tunaendelea na maandalizi ya vikao hivyo na wiki ijayo vitakaa na kutoa mwelekeo wa nini kinaendelea na nini msimamo wa chama kuhusu siasa za Zanzibar, lakini tunaendelea kuamini kuwa mgombea wetu ndiye chaguo sahihi la Wazanzibari katika uchaguzi wa Oktoba 25 mwaka jana,” alisema Sakaya.

Aidha, Sakaya alisema CCM ilishapanga siku nyingi za kuhakikisha wanashinda kwa hila kwenye uchaguzi huo ili wabadili Katiba ya Zanzibar inayozungumzia Serikali ya Umoja wa Kitaifa na hatimaye waunde serikali peke yao ambayo haitakuwa na vyama vya upinzani.

Kuhusu taarifa za Maalim Seif kupunguziwa walinzi, Sakaya alisema CUF haiwezi kubababishwa na hilo kwasababu chama chao kina walinzi wa kutosha ambao watamlinda wakati wote na aliongeza kuwa hatua ya CCM kulazimisha kumwapisha Dk. Shein ni udikteta wa kupindukia.

Alielezea kushangazwa na idadi kubwa ya askari polisi na wa JWTZ wakati wa uchaguzi wa marudio, hali ambayo iliwatisha wananchi na wengine kuogopa kwenda kwenye shughuli zao za kila siku.

“Baadhi ya wanachama wa CUF bado wako mahabusu hadi leo na wanasheria wetu wanaendelea na mchakato wa kuwatoa maana hawana kesi," alisema Sakaya.

"Wengi walipigwa na kuteswa na kubambikiwa kesi kwasababu za kisiasa na kwa kuwa wameshatimiza kile walichokuwa wanakitaka tunaamini watawaachia.”

Mwenyekiti wa ZEC Jecha alimtangaza Dk. Ali Mohammed Shein kuwa Rais wa Zanzibar Jumatatu kwa kupata asilimia 91.4 ya kura halali.

Kwa mujibu wa Jecha, Shein alipata kura 299,982 kati ya jumla ya wapiga kura waliojitokeza 341, 865. Jumla ya Wazanzibari wlaiojiandikisha walikuwa kwa ajili ya Uchaguzi Mkuu wa Oktoba 25, mwaka jana ambao ulifuntwa na Jecha walikuwa 503,580.

Nafasi ya pili ilichukuliwa na mgombea urais wa ADC, Hamad Rashid aliyepata kura 6,734 na Maalim Seif Sharif Hamad (CUF) alishika nafasi ya tatu kwa kupata kura 6,076.

Ushindi wa Dk. Shein wa asilimia 91.4 una maana vyama vingine saba vilivyoshiriki vilikosa asimilia 10, ambazo kisheria zingeliweza kukifanya kuingia kwenye serikali ya umoja wa kitaifa.

Jecha aliufuta uchaguzi wa Oktoba 25 kwa madai ya kuwepo kasoro kubwa, hatua ambayo ilipingwa vikali na CUF, ambacho aliyekuwa mgombea wake wa urais, Maalim Seif Sharif Hamad, alisema alikuwa ameshinda kwa zaidi ya 52%.

Bado haijafahamika ikiwa Dk. Shein ataunda serikali nyengine yenye muundo wa umoja wa kitaifa, kwasababu  mbali na chama chake, hakuna chama kingine kilichotangazwa na ZEC kufikia asilimia 10 ya kura za jumla wala kupata wajumbe kwenye baraza la wawakilishi, masharti muhimu kwa chama kujumuishwa kwenye uundaji wa serikali kwa mujibu wa katiba ya visiwa hivyo.

Sharobaro Amlipia Mahari Mwigizaji Riyama....Mwenyewe Asema Wanaendana Kinafsi...

Hatimaye! Taarifa ikufikie kwamba, staa wa kitambo wa Bongo Muvi, Riyama Ally amelipiwa mahari na mpenzi wake ‘sharobaro’ ambaye ni msanii wa Bongo Fleva, Haji  Mwalimu ‘Leo Mysterio’ huku mipango kabambe ya ndoa ikiendelea.

Riyama ameliambia Wikienda kuwa, anamshukuru Mungu kumpata mtu anayeona ndiye anamfaa katika maisha yake na tayari sasa ni mchumba rasmi wa mtu, tena kijana anayempenda kwa dhati.

“Sasa hapa ndiyo nimefika kwa kuwa nimekutana na mtu mwenye mapenzi ya kweli kwangu. Pia nafsi zetu zimeendana, hapa namuomba Mungu anyooshe mambo yaende kama vile tulivyopanga,” alisema Riyama ambaye amekuwa ‘singo’ kwa muda mrefu.

Kwa upande wake, Mysterio alisema kuwa anaamini safari yake ya muda mrefu imefika kwa kuwa amempata mwanamke anayempenda kutoka ndani ya uvungu wa moyo wake na kwa upande wake taratibu zote za uchumba amemaliza, anasubiri ndoa watakayofunga hivi karibuni.