WAFUGAJI WA KIJIJI CHA CHAMAKWEZA BAGAMOYO,PWANI WAIKATALIA SERIKALI KUINGIZWA KATIKA MIPANGO MIJI

WANANCHI wa jamii  ya wafugaji wa kimasai wanaoishi katika kijiji cha Chamakweza kata ya Pera Wilayani Bagamoyo Mkoani Pwani wameugomea mpango wa serikali kutaka kukiingiza kijiji  hicho katika mpango miji kwani hapo awali eneo hilo walitengewa   maalumu kwa ajili ya matumizi ya shughuli za ufugaji tangu mwaka mwaka 1976.

Wafugaji hao wametoa kilio chao  kwa waandishi wa habari  mara baada ya mkutano wao wa kijiji kuvunjika kutokana na kutokuwa na kibali  ambao uliandaliwa   kwa ajili ya kuweza kujadili changamoto mbali mbali zinazowakabili ikiwemo uvamizi wa eneo lao pamoja na serikali kuamua  kuwabadilishiwa matumizi katika kijiji hicho bila ya kuwashirikisha.

Wakizungumza kwa uchungu kwa nyakati tofauti kijijini hapo baadhi ya  wafugaji  akiwemo Rehema Rahimu,Wilison Oledongo,Zakharia Samwel ..wamesema kwamba wanashangaa  kuona eneo hilo ililotengwa kwa ajili ya ufugaji linataka kuchukuliwa kwa ajili ya kubadilishiwa matumizi mengine wakati wao wanalitumia kwa ajili ya mifuo pekee na wala hawaitaji huduma ya mipango miji.